By -SUBhASMITA ସେପ୍ଟେମ୍ବର 1 2025
ଟିମ୍ ଇଣ୍ଡିଆ ପାଇଁ ବଡ଼ ଖୁସିର ଖବର। ଦିନିକିଆ ଅଧିନାୟକ ରୋହିତ ଶର୍ମା, ଉଦୀୟମାନ ବ୍ୟାଟସ୍ମାନ୍ ଶୁବମନ ଗିଲ ଓ ଦ୍ରୁତ ବୋଲର ଜସପ୍ରୀତ ବୁମରା ସହିତ ଅନ୍ୟାନ୍ୟ ଖେଳାଳିମାନେ ବିସିସିଆଇର ଫିଟନେସ ଟେଷ୍ଟ ପାସ୍ କରିଛନ୍ତି। ବେଙ୍ଗାଲୁରୁ ସ୍ଥିତ ସେଣ୍ଟର ଅଫ ଏକ୍ସଲେନ୍ସରେ ଆୟୋଜିତ ଏହି ପରୀକ୍ଷାରେ ସମସ୍ତେ ଯୋ-ଯୋ ଟେଷ୍ଟରେ ସଫଳ ହୋଇଛନ୍ତି।
ଅଗଷ୍ଟ ୩୦ ଓ ୩୧ରେ ହୋଇଥିବା ପରୀକ୍ଷାରେ ରୋହିତ ଶର୍ମା ସହଜରେ ପାସ୍ କରିଥିଲେ। ସେଥିରେ ଶୁବମନ ଗିଲ, ଜିତେଶ ଶର୍ମା ଏବଂ ବୁମରା ମଧ୍ୟ ଫିଟ୍ ପାଇଯାଇଛନ୍ତି। ମହମ୍ମଦ ସିରାଜ, ଯଶସ୍ବୀ ଜୟସୱାଲ, ୱାଶିଙ୍ଗଟନ ସୁନ୍ଦର ଓ ଶାର୍ଦ୍ଦୁଳ ଠାକୁର ମଧ୍ୟ ବିନା କୌଣସି ସମସ୍ୟାରେ ପରୀକ୍ଷା ଉତ୍ତୀର୍ଣ୍ଣ ହୋଇଛନ୍ତି।
ଶୁବମନ ଗିଲ ପାଇଁ ଏହି ପରୀକ୍ଷା ବହୁତ ଗୁରୁତ୍ୱପୂର୍ଣ୍ଣ ଥିଲା। ଜ୍ୱରରେ ପୀଡିତ ହୋଇ ସେ ଦଲ୍ଲୀପ ଟ୍ରଫି କ୍ବାର୍ଟର ଫାଇନାଲରୁ ବାଦ୍ ହୋଇଥିଲେ। କିନ୍ତୁ ୯ ସେପ୍ଟେମ୍ବରରୁ ଆରମ୍ଭ ହେଉଥିବା ଏସିଆ କପରେ ସେ ଉପାଧ୍ୟକ୍ଷ ଭାବେ ଖେଳିବାକୁ ପ୍ରସ୍ତୁତ। ଏଥର ଏସିଆ କପ ଟି-୨୦ ଫର୍ମାଟରେ ହେବ।
ଅନ୍ୟପଟେ, ଟେଷ୍ଟ ଓ ଟି-୨୦ରୁ ସନ୍ନ୍ୟାସ ନେଇଥିବା ରୋହିତ ଶର୍ମାଙ୍କ ପାଇଁ ଏବେ କୌଣସି ସିରିଜ ନଥିଲେ ମଧ୍ୟ, ଅକ୍ଟୋବରରେ ସେ ଅଷ୍ଟ୍ରେଲିଆ ଗସ୍ତ କରିପାରନ୍ତି।
Socialtalknews
About the Author
