ବନ୍ୟାରେ ଭୟାବହ ସ୍ଥିତି; ଉଦ୍ଧାର କାର୍ଯ୍ୟରେ ବାୟୁସେନା ସାମିଲ
BY- SUBHASMITA Aug 28 2025
ଜମ୍ମୁ-କାଶ୍ମୀରର ପ୍ରସିଦ୍ଧ ବୈଷ୍ଣୋଦେବୀ ଯାତ୍ରାପଥ ଭୟଙ୍କର ବନ୍ୟା ଓ ଭୂସ୍ଖଳନରେ ମୃତ୍ୟୁକୁ ସାକ୍ଷୀ ହୋଇଛି। ଅର୍ଧକୁମାରୀ ନିକଟରେ ଘଟିଥିବା ବଡ଼ ଭୂସ୍ଖଳନରେ ଏପର୍ଯ୍ୟନ୍ତ ୩୬ ଜଣ ଯାତ୍ରୀ ପ୍ରାଣ ହରାଇଛନ୍ତି ବୋଲି ଆଧିକାରିକ ସୂଚନା। ଅନେକ ଲୋକ ଆହତ ହୋଇଥିବା ସୂଚନା ମିଳିଛି।
ଦୁର୍ଘଟଣା ପରେ ବୈଷ୍ଣୋଦେବୀ ଯାତ୍ରାକୁ ତତ୍କାଳ ବନ୍ଦ କରାଯାଇଛି। ଫସିଥିବା ଯାତ୍ରୀମାନଙ୍କୁ ବାହାର କରିବା ପାଇଁ ଭାରତୀୟ ସେନା, ପୁଲିସ ଓ ପ୍ରଶାସନ ସତର୍କ ହୋଇ ସମସ୍ତ ଶକ୍ତି ଲଗାଇଛନ୍ତି। ୫,୦୦୦ରୁ ଅଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି।
ଏହି ମହାବିପଦରେ ବାୟୁସେନା ମଧ୍ୟ ସାମିଲ ହୋଇଛି। C-130 ବିମାନ ମାଧ୍ୟମରେ ଜମ୍ମୁରେ ରିଲିଫ ସାମଗ୍ରୀ ପହଞ୍ଚାଇ ଉଦ୍ଧାରକାର୍ଯ୍ୟରେ ସହଯୋଗ କରୁଛି। ମାଟି-ପାହାଡ଼ ତଳେ ଦବିଥିବା ଲୋକମାନଙ୍କୁ ବାହାର କରିବା ପ୍ରଚେଷ୍ଟା ଜାରି ରହିଛି।
ଏହି ସମୟରେ ଉତ୍ତର ରେଳବାଇ ୨୨ଟି ଟ୍ରେନକୁ ବାତିଲ କରିଦେଇଛି, ଯେତେବେଳେ ୨୭ଟି ଟ୍ରେନ ବନ୍ଦ କରାଯାଇଛି। ଯାତ୍ରୀମାନେ ଅସୁବିଧା ସହିବାକୁ ପଡ଼ୁଛନ୍ତି।
ମେଘବର୍ଷା ଅବ୍ୟାହତ ରହିବାର ଆବହାବିଭାଗର ସଚେତନୀ ପରେ, ପ୍ରଶାସନ ସମସ୍ତ ଯାତ୍ରା ବନ୍ଦ କରିଦେଇଛି। ପ୍ରଧାନମନ୍ତ୍ରୀ ଘଟଣାରେ ଗଭୀର ଶୋକ ପ୍ରକାଶ କରିଛନ୍ତି ଓ ପୀଡ଼ିତ ପରିବାରମାନଙ୍କୁ ସାନ୍ତ୍ୱନା ଜଣାଇଛନ୍ତି।
Socialtalknews
About the Author
