By SUBHASMITA September 24, 2025
ଜେନେଭା/ନୂଆଦିଲ୍ଲୀ : ଜମ୍ମୁ-କଶ୍ମୀର ପ୍ରସଙ୍ଗକୁ ଆଉଥରେ ଉଠାଇବାକୁ ଚେଷ୍ଟା କରିଥିବା ପାକିସ୍ତାନକୁ ଭାରତ ଜାତିସଂଘ ମାନବାଧିକାର ପରିଷଦ (UNHRC)ର ୬୦ତମ ଅଧିବେଶନରେ ଦୃଢ଼ ଓ ସରଳ ଭାବରେ ପ୍ରତିକ୍ରିୟା ଦେଇଛି ।
ଭାରତୀୟ କୂଟନୀତିଜ୍ଞ କ୍ଷିତିଜ ତ୍ୟାଗୀ ସ୍ପଷ୍ଟ କହିଛନ୍ତି ପାକିସ୍ତାନ ଏହି ମଞ୍ଚକୁ ଭାରତ ବିରୋଧୀ ପ୍ରଚାର ପାଇଁ ବ୍ୟବହାର କରୁଛି । ତେଣୁ ପ୍ରଥମେ ସେ ପାକ୍ ଅଧିକୃତ କଶ୍ମୀର (PoK) ଖାଲି କରୁ ।
ସେ କହିଛନ୍ତି, “ପାକିସ୍ତାନ ପ୍ରାୟୋଜିତ ଆତଙ୍କବାଦୀମାନେ ପହଲଗାମ, ଉରି, ମୁମ୍ବାଇ ପର୍ଯ୍ୟନ୍ତ ଆକ୍ରମଣ କରିଛନ୍ତି । ଏହି କଳଙ୍କିତ ଇତିହାସକୁ ନାହିଁ ଭାରତ, ନାହିଁ ବିଶ୍ୱ କେବେ ଭୁଲିବ ।”
ଭାରତ ସ୍ପଷ୍ଟ କରିଛି, UNHRC କୌଣସି ଦେଶର ପ୍ରଚାର ମଞ୍ଚ ହେବା ଉଚିତ ନୁହେଁ, ବରଂ ବିଶ୍ୱସ୍ତରରେ ଯଥାର୍ଥ ମାନବାଧିକାର ସମସ୍ୟା ଉପରେ ଧ୍ୟାନ କରିବା ଉଚିତ ।
Socialtalknews