: ଜିଏସଟି ହାର କମିବାର ଆଶାରେ ଅଟୋ ବଜାରରେ ଉତ୍ସାହ
By – SUBHASMITA 2 2025
ଭୁବନେଶ୍ୱର :
ଦୁଇଚକିଆ ଓ ଛୋଟ ଯାତ୍ରୀବାହୀ ଯାନ କିଣିବାକୁ ଇଚ୍ଛୁକ ଗ୍ରାହକଙ୍କ ପାଇଁ ଆସିପାରେ ବଡ଼ ସୁଖବର । ସରକାର ପକ୍ଷରୁ ଜିଏସଟି ହାର ହ୍ରାସ ପାଇଁ ଚିନ୍ତାଭିନ୍ତା ଚାଲିଥିବା ସୂଚନା ମିଳିଛି । ପ୍ରସ୍ତାବ ଅନୁଯାୟୀ, ଯାନବାହନ ଉପରେ ବର୍ତ୍ତମାନ ୨୮% ରହିଥିବା ଟିକସକୁ ୧୮% କୁ କମାଯିବ, ଯେଉଁଠି ଟ୍ରାକ୍ଟର ପାଇଁ ୧୨% ରୁ ୫% କୁ ହ୍ରାସ କରାଯାଇପାରେ ।
ଏହି ପରିବର୍ତ୍ତନ କାର୍ଯ୍ୟକାରୀ ହେଲେ ଯାନବାହନର ମୂଲ୍ୟ ୬ରୁ ୮% ପର୍ଯ୍ୟନ୍ତ କମିଯିବାର ଆକଳନ କରାଯାଇଛି । ବିଶେଷକରି ଦୁଇଚକିଆ ଯାନ ଏବଂ ୪ ମିଟରରୁ କମ୍ କାର ସବୁଠାରୁ ଅଧିକ ଲାଭ ପାଇବେ ।
ବିଶେଷଜ୍ଞମାନଙ୍କ କହିବା ଅନୁସାରେ, ବଡ଼ SUV ଯାହା ଉପରେ ବର୍ତ୍ତମାନ ୪୫-୫୦% ଟିକସ ଲାଗୁଛି, ସେଥିରେ ମଧ୍ୟ ଆଶ୍ୱସ୍ତି ମିଳିପାରେ । ପ୍ରଭାବୀ ହାର ୪୦% କୁ ହ୍ରାସ ପାଇବାର ସମ୍ଭାବନା ରହିଛି ।
ଗତ କିଛି ମାସରେ ଯାନ ବଜାରରେ ଚାହିଦା ସ୍ଲୋ ହୋଇଥିଲା । କିନ୍ତୁ, ଜିଏସଟି ହ୍ରାସ ସହିତ, ଉତ୍ସବ ଋତୁରେ ବିକ୍ରି ବହୁଗୁଣା ବୃଦ୍ଧି ପାଇବାର ଆଶା କରୁଛନ୍ତି ଉଦ୍ୟୋଗୀ ।
Socialtalknews
About the Author
