ଇଂଲଣ୍ଡରେ ଦିନିକିଆ ସିରିଜ୍ ଜିତିଲା ଦକ୍ଷିଣ ଆଫ୍ରିକା
BY -SUBHASMITA september 6 2025
ଲର୍ଡସ୍: ୨୭ ବର୍ଷର ପ୍ରତୀକ୍ଷାରେ ସଫଳତା ପାଇଲା ଦକ୍ଷିଣ ଆଫ୍ରିକା । ଲର୍ଡସ୍ରେ ହୋଇଥିବା ଦ୍ୱିତୀୟ ଦିନିକିଆରେ ୫ ରନ୍ରେ ବିଜୟ ସହ ତେମ୍ବା ବଭୂମାଙ୍କ ଦଳ ସିରିଜ୍ରେ ୨-୦ରେ ଅପରାଜେୟ ଲିଡ୍ ନେଲା । ଏହା ୧୯୯୮ ପରେ ପ୍ରଥମଥର ପାଇଁ ଇଂଲଣ୍ଡ ମାଟିରେ ଦକ୍ଷିଣ ଆଫ୍ରିକାଙ୍କ ଏକଦିନିଆ ସିରିଜ୍ ବିଜୟ ।
ଦକ୍ଷିଣ ଆଫ୍ରିକାର ଇନିଂସ୍:
ପ୍ରଥମେ ବ୍ୟାଟିଂ କରି ୫୦ ଓଭରରେ ୮ ୱିକେଟ୍ ହରାଇ ୩୩୦ ରନ୍ କରିଥିଲା ଦକ୍ଷିଣ ଆଫ୍ରିକା । ମାଥ୍ୟୁ ବ୍ରିଜ୍କେ (85), ତ୍ରିଷ୍ଟନ୍ ଷ୍ଟବ୍ସ (58), ଏଡେନ୍ ମାରକ୍ରମ୍ (49)ଙ୍କ ପାଳି ଦଳକୁ ବଡ଼ ସ୍କୋର୍କୁ ନେଇଯାଇଥିଲା । ଇଂଲଣ୍ଡ ପକ୍ଷରୁ ଜୋଫ୍ରା ଆର୍ଚର୍ ୪ ଓ ଆଦିଲ୍ ରସିଦ୍ ୨ ୱିକେଟ୍ ନେଇଥିଲେ ।
ଜୋ ରୁଟ୍ (61) ଓ ଜୋସ୍ ବଟଲର୍ (61)ଙ୍କ ଅର୍ଦ୍ଧଶତକ ସତ୍ତେ ୫୦ ଓଭରରେ ୩୨୫/୯ରେ ସୀମିତ ରହିଲା ଇଂଲଣ୍ଡ । ବୋଲିଂରେ ନାଣ୍ଡ୍ରେ ବର୍ଜର ୩ ଓ କେଶବ ମହାରାଜ ୨ ୱିକେଟ୍ ନେଇ ବିଜୟରେ ମୁଖ୍ୟ ଭୂମିକା ନେଲେ ।
ଶେଷ ଥର ୧୯୯୮ରେ ଦକ୍ଷିଣ ଆଫ୍ରିକା ଇଂଲଣ୍ଡରେ ସିରିଜ୍ ଜିତିଥିଲା । ତା’ପରେ ୨୦୦୮, ୨୦୧୨, ୨୦୧୭ ଓ ୨୦୨୨ରେ ସିରିଜ୍ ଖେଳି ପରାଜୟ ବରଣ କରିଥିଲେ । ଏହିବାର ୨୭ ବର୍ଷ ପରେ ସଫଳତା ମିଳିବାକୁ ଦକ୍ଷିଣ ଆଫ୍ରିକା କ୍ରିକେଟ୍ ପାଇଁ ଐତିହାସିକ ଦିନ ବୋଲି ବିଶ୍ଳେଷକମାନେ କହୁଛନ୍ତି ।
SOCIALTALKNEWS
