ପୁଲିସ ବ୍ୟାଣ୍ଡ ଓ ସ୍କୁଲ ବ୍ୟାଣ୍ଡଙ୍କ ଦର୍ଶନୀୟ ଭାଗୀଦାରି
By Subhasmita Aug 13 2025
ଭୁବନେଶ୍ବର: ଆସନ୍ତା ୧୫ ଅଗଷ୍ଟରେ ଆୟୋଜିତ ହେବାକୁ ଯାଉଥିବା ୭୯ତମ ସ୍ବାଧୀନତା ଦିବସ ପାଳନ ପାଇଁ ଭୁବନେଶ୍ବରର ଗାନ୍ଧୀମାର୍ଗରେ ବିଶାଳ ପରେଡ୍ର ରିହର୍ସଲ ଆଜି ସଫଳତାର ସହ ଆୟୋଜିତ ହୋଇଛି ।
ପରେଡ୍ରେ ପୁଲିସ ବ୍ୟାଣ୍ଡ ସହ ବିଭିନ୍ନ ସ୍କୁଲ ବ୍ୟାଣ୍ଡ ମଧ୍ୟ ତାଙ୍କର କୌଶଳ ଓ ସମନ୍ୱୟ ଦର୍ଶାଇବାକୁ ପ୍ରସ୍ତୁତ ହୋଇଛି । ପରେଡ୍ର ନେତୃତ୍ୱ କଣ୍ଟିଜେଣ୍ଟ କମାଣ୍ଡର ଅନନ୍ୟାଙ୍କ ପାଖରେ ରହିଛି, ଯେଉଁଥିରେ ଓଡିଶା ପୁଲିସର ବିଭିନ୍ନ ବିଭାଗ ଯଥା OSAP, IR ବାଟାଲିୟନ, SOG, OSAF, OISF, ଓଡ୍ରାଫ, ଟ୍ରାଫିକ ପୁଲିସ, ଫାୟର ସର୍ଭିସ ସହ ITBP, NDRF, BSF, CRPF ଭଳି ୫୦ଟି କଣ୍ଟିଜେଣ୍ଟ ଭାଗ ନେବେ ।
ଏହି ବର୍ଷ ପରେଡ୍ରେ ଏକାଧିକ ସ୍କୁଲ ଛାତ୍ରଛାତ୍ରୀମାନେ ମଧ୍ୟ ସମ୍ମିଳିତ ହୋଇ ସ୍ବାଧୀନତାର ମହତ୍ତ୍ୱ ଓ ଏହାର ଗରିମାକୁ ପ୍ରଚାର କରିବେ ।
ପରେଡ୍ ରିହର୍ସଲ ଦୃଶ୍ୟ ଦର୍ଶକଙ୍କୁ ଆକର୍ଷିତ କରିବା ସହ ଏକ ସଂଗଠିତ ଓ ଆତ୍ମଗତ ଦୃଶ୍ୟ ଦେଖାଇଛି, ଯାହା ଆସନ୍ତା ସ୍ବାଧୀନତା ଦିବସ ପାଳନରେ ଆକର୍ଷଣୀୟ ହେବ ।
ଭାରତର ସ୍ବାଧୀନତା ଏବଂ ଜାତୀୟ ଗରିମାକୁ ସ୍ମରଣ କରି ଏହି ପରେଡ୍ର ଆୟୋଜନ ଆମ ସମାଜରେ ଏକତା, ସଂଗଠନ ଓ ଦୃଢ଼ ସଙ୍କଳ୍ପର ପ୍ରତୀକ ଭାବରେ ଦେଖାଯାଉଛି ।
About the Author
