By -SUBHASMITA ସେପ୍ଟେମ୍ବର 22 2025
ଦୁବାଇ: ଏସିଆ କପ୍ର ସୁପର୍-୪ ମୁକାବିଲାରେ ଭାରତ ଆଉଥରେ ପାକିସ୍ତାନକୁ ପରାସ୍ତ କରି ୬ ୱିକେଟ୍ରେ ଜବରଦସ୍ତ ବିଜୟ ହାସଲ କରିଛି। ୧୭୨ ରନ୍ର ଲକ୍ଷ୍ୟକୁ ଭାରତୀୟ ଯୁବ ବ୍ୟାଟସ୍ମାନ୍ ଅଭିଷେକ ଶର୍ମା ଓ ଶୁବମନ ଗିଲ୍ ତାଙ୍କ ବିଜୁଳି ବ୍ୟାଟିଂରେ ପ୍ରାୟ ଏକତରଫା କରିଦେଲେ।
ଅଭିଷେକ ଶର୍ମା (୭୪, ୩୯ ବଲ୍, ୬ ଚୌକା, ୫ ଛକା) ଓ ଶୁବମନ ଗିଲ୍ (୪୭, ୨୮ ବଲ୍, ୮ ଚୌକା) ପ୍ରଥମ ୱିକେଟ୍ ପାଇଁ ୧୦୫ ରନ୍ର ଅଭିନାଭ ସାଥୀଦାରୀ କରିଥିଲେ। ଶେଷକୁ ତିଳକ ବର୍ମା (୩୦*, ୧୯ ବଲ୍) ସାହିନ ଆଫ୍ରିଦିଙ୍କୁ ଛକା ଓ ଚୌକା ମାରି ଷ୍ଟାଇଲ୍ରେ ମ୍ୟାଚ୍ ସମାପନ କରିଥିଲେ।
ପାକିସ୍ତାନ ପ୍ରଥମେ ବ୍ୟାଟିଂ କରି ୨୦ ଓଭରରେ ୧୭୧/୫ ରନ୍ କରିଥିଲା। ସାହିବଜାଦା ଫରହାନ୍ (୫୮) ଓ ଫହିମ୍ ଅସ୍ରଫ୍ (୨୦) ସ୍ୱଳ୍ପ ପ୍ରତିରୋଧ ଦେଇଥିଲେ, କିନ୍ତୁ ଶିବମ ଦୁବେଙ୍କ ୨ ୱିକେଟ୍ର ସ୍ପେଲ୍ ଓ କୁଲଦୀପ-ବରୁଣଙ୍କ କଟକଣା ବୋଲିଂରେ ପାକିସ୍ତାନ ୨୦୦ ପାର କରିପାରିଲା ନାହିଁ।
ଭାରତ ୧୮.୫ ଓଭରରେ ୧୭୪/୪ କରି ୭ ବଲ୍ ବାକୀରେ ବିଜୟ ହାସଲ କଲା। ଏହି ବିଜୟ ସହିତ ସୂର୍ଯ୍ୟକୁମାର ଯାଦବଙ୍କ ଦଳ ଏସିଆ କପ୍ରେ ନିଜ ପ୍ରାଭାବକୁ ଆଉଥରେ ସ୍ଥାପନ କରିଲା।
Socialtalknews