ଜାପାନରୁ ନେଇ ସାଉଥ କୋରିଆ ପର୍ଯ୍ୟନ୍ତ ସେୟାର ମାର୍କେଟ୍ ତଳମୁହାଁ
ଜାପାନ ସେୟାର ମାର୍କେଟ ଶୁକ୍ରବାର ଆରମ୍ଭରେ ୨୨୫ ଅଙ୍କ ଅର୍ଥାତ ୦.୬ ପ୍ରତିଶତ ତଳକୁ ଖସିଥିବା ବେଳେ ଦକ୍ଷିଣ କୋରିଆ ସେୟାର ମାର୍କେଟ୍ ୩.୨ ପ୍ରତିଶତ ଖସିଛି । ଏହା ବ୍ୟତୀତ ତାଇୱାନ ସେୟାର ମାର୍କେଟ ୦.୪ ପ୍ରତିଶତ, ଅଷ୍ଟ୍ରେଲିଆ ସେୟାର ମାର୍କେଟ ୦.୭ ପ୍ରତିଶତ ତଳକୁ ଖସି କାରବାର ଆରମ୍ଭ ହୋଇଛି । ସେହିଭଳି ହଂଗକଂଗ ସେୟାର ମାର୍କେଟ ୦.୨ ପ୍ରତିଶତ ତଳକୁ ଖସିଛି ।
ପୂରା ଏସିଆ ବଜାରକୁ ଦୋହଲାଇଦେଲା ଟ୍ରମ୍ପଙ୍କ ଟାରିଫ୍, ଜାପାନରୁ ନେଇ ସାଉଥ କୋରିଆ ପର୍ଯ୍ୟନ୍ତ ସେୟାର ମାର୍କେଟ୍ ତଳମୁହାଁ
କନକ ବ୍ୟୁରୋ : ଆମେରିକା ତରଫରୁ ଟାରିଫ୍ ଘୋଷଣା ହେବା ପରେ ଏବେ ଏହାର ପ୍ରଭାବ ସମସ୍ତ କ୍ଷେତ୍ରରେ ଦେଖିବାକୁ ମିଳିଛି । ବଜାର ଦର ଠାରୁ ଆରମ୍ଭ କରି ସେୟାର ମାର୍କେଟ୍ ପର୍ଯ୍ୟନ୍ତ ସବୁଠି ଟାରିଫର ପ୍ରଭାବ । ଏହି କ୍ରମରେ ଏବେ ଏସିଆ ମହାଦେଶର ସମସ୍ତ ସେୟାର ମାର୍କେଟ୍ ତଳମୁହାଁ ହୋଇଛି । ଶୁକ୍ରବାର ପ୍ରାରମ୍ଭରେ ସେୟାର ବଜାରର ଅଧିକ ସେୟାର ଲାଲ ସଂକେତ ସହ ଖୋଲିଛି ।ଜାପାନ ସେୟାର ମାର୍କେଟ ଶୁକ୍ରବାର ଆରମ୍ଭରେ ୨୨୫ ଅଙ୍କ ଅର୍ଥାତ ୦.୬ ପ୍ରତିଶତ ତଳକୁ ଖସିଥିବା ବେଳେ ଦକ୍ଷିଣ କୋରିଆ ସେୟାର ମାର୍କେଟ୍ ୩.୨ ପ୍ରତିଶତ ଖସିଛି । ଏହା ବ୍ୟତୀତ ତାଇୱାନ ସେୟାର ମାର୍କେଟ ୦.୪ ପ୍ରତିଶତ, ଅଷ୍ଟ୍ରେଲିଆ ସେୟାର ମାର୍କେଟ ୦.୭ ପ୍ରତିଶତ ତଳକୁ ଖସି କାରବାର ଆରମ୍ଭ ହୋଇଛି । ସେହିଭଳି ହଂଗକଂଗ ସେୟାର ମାର୍କେଟ ୦.୨ ପ୍ରତିଶତ ତଳକୁ ଖସିଛି ।ରାଷ୍ଟ୍ରପତି ଟ୍ରମ୍ପ ୧୦ ରୁ ୪୧ ପ୍ରତିଶତ ପର୍ଯ୍ୟନ୍ତ ଟାରିଫ୍ ବିଭିନ୍ନ ଦେଶ ଉପରେ ଲଗାଇଛନ୍ତି । ଆସନ୍ତା ସପ୍ତାହରୁ ଭାରତ ସମେତ ୬୮ ଟି ଦେଶ ଉପରେ ଏହାର ପଭାବୀ ହେବ । ଟ୍ରମ୍ପଙ୍କ ତରଫରୁ ୬୮ ରୁ ୯୨ ଦେଶ ଉପରେ ୧୦ ରୁ ୪୧ ପ୍ରତିଶତ ପର୍ଯ୍ୟନ୍ତ ଟାରିଫ୍ ଲଗାଯାଇଛି । ଟ୍ରମ୍ପଙ୍କ ଟାରିଫ୍ ଆମେରିକା ସହ ବାଣିଜ୍ୟ କରୁଥିବା ଦେଶମାନଙ୍କୁ ଅଡ଼ୁଆରେ ପକାଇଛି । ଏହାସହ ବିଶ୍ୱ ଅର୍ଥନୀତି ପାଇଁ ଏହା ଏକ ନୂଆ ସଂକଟ ସୃଷ୍ଟି କରିଛି ।ରାଷ୍ଟ୍ରପତି ଟ୍ରମ୍ପ ଏହା ପୂର୍ବରୁ ଏପ୍ରିଲ ୨ ତାରିଖରେ ସାରା ବିଶ୍ୱର ବିଭିନ୍ନ ଦେଶ ଉପରେ ଟାରିଫ୍ ଘୋଷଣା କରିଥିଲେ । ଏହାପରେ ବିଶ୍ୱବଜାରରେ ଏହାର ବଡ଼ ପ୍ରଭାବ ଦେଖିବାକୁ ମିଳିଥିଲା । ଏହାପରେ ଟ୍ରମ୍ପ ଟାରିଫ୍ ନିଷ୍ପତ୍ତିକୁ ୯୦ ଦିନ ପର୍ଯ୍ୟନ୍ତ ବ୍ରେକ୍ ଲଗାଇଥିଲେ । ଏହାରି ମଧ୍ୟରେ କିଛି ଦେଶ ସହ ଆମେରିକାର ବାଣିଜ୍ୟ ଚୁକ୍ତି ହୋଇଥିଲା । ବାକି ଦେଶମାନଙ୍କ ଉପରେ ଏବେ ଟ୍ରମ୍ପ ଭାରୀ ଟାରିଫ୍ ଲଗାଇଛନ୍ତି ।
